بدون خجل هل تفعلينها.............؟؟؟

[غرام أطفـــال]

بدون خجل تفعلينها.............؟؟؟
السلام عليكم ورحمة الله وبركاته .............. وبعد .



اول شي انا وضعت هالقصه

لاعرف ماهي ردودكم على مافعله هذا الرجل بعروسه


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي

صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد

على الجوال ويدور الحوار التالي :

الزوج : الووووو

المتصل : السلام عليك، كيف حالك يا (فلان) و ألف ألف مبروك

الزوج : وعليكم السلام وينكم يا انذال ماحضرتوا الحفل يا تعبانين

المتصل : والله تعطلت علينا السياره في الخط وحنا جايين

عندكم ووصلنا وسألنا عنك قالوا انك رحت مع المدام والحين حنا راجعين الديره

((طبعاً الديرة تبعد حوالي 300 كم))

الزوج : المهم تعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (حرام وطلاق عشاكم الليلة عندي) قل تم

المتصل : يا ابن الحلال مايصير انت عريس جد و.. و..

المهم مافيه فايده الزوج مصر الا يتعشون عنده

الزوج : يالله انا انتظركم مع السلامه

وقفل الخط

الزوجه المسكينه ما هي مصدقه اللي سواه زوجها ليلة الدخلة ثم قال يافلانه

انا رايح السوق وراجع

((على بالها يبي يجيب عشاء جاهز))

بعد ربع ساعه رجع الزوج ومعه اغراض العشاء

قالت الزوجه وش ذا

قال الله يسلمك قومي سوي العشاء لزملاي في العمل جايين من بعيد ولا تعشوا

،،،وفي أثناء الحوار،،، والا الباب يدق

قال هم ذولا وصلوا يالله همه يا مره وراح عند ربعه يقهويهم....

المهم المسكينه في المطبخ تقطع البصل والطماط بفستان الزفاف وعيونها تدمع وتقول

في نفسها ( بكره بأرجع عند اهلي من الفجر واطلب الطلاق) المسكينه سوت العشاء

وتعشوا وراحوا لديرتهم المسكينه متضايقه


والمفاجأة ... ؟










يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه

قال الرهان اللي بيني وبين زملاي العشرة على كل واحد

(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب

الرهان وتمت ليلتهم على خير وصاروا اسعد زوجين .........


هل تفعلينها لوطلبها منك ليلة الدخله؟؟؟!!!!






ارجو الاجابه وبكل صراحة


منقـــــــــول

[SIZE="7"]ولكم كل الاحترام والتقدير أخوكـــــــــــــــــــم غرام أطفــــــــــــــــــــال

[هيبة ملكه]

السلام عليكم ورحمة الله وبركاته



بصراااااحه القصه حلووووه


وعجبتنــــــي




عجبني كرم الرجال

وردة فعل الزوجه

وانها ماعرضت وقامت بدون اعتراض وطبخت
ورفعت راس زوجها

وفي الاخير كسبت الرهان



بس اتوقع هالنموذج من الازواج مو عندنا
لان الازواج عندنا قبل ليدخل الشقه قفل جواله وجوال زوجته

وبالنسبه لى ماجربت
بس لو انحطيت في نفس الموقف
اكيد بقوم وبطبخ العشاء عشان ارفع راس فارس الاحلام قدام ربعه



وشكرا على الموضوع اخوووي

[اسير العيون]

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .
الزوجه قامت بس بدون رضاها غصب عنها عشان كذا هي تفاجات بالمبلغ تحياتي زوجات زمان يفعلونها بنات هالايام مافيه امل تحياتي

[حمادة بوي]

مشكـــورر اخويـ غرامــ أطفـــــال


صراحة اذا قلــت لهمـ الدعوة في خمسين الف صررراحة بيــوافقــون على طول

موفق بإذن الله ... لك مني أجمل تحية .

[ذاري]

شـكــ وبارك الله فيك ـــرا لك ... لك مني أجمل تحية .
عموما العرس عندنا مراسيمه ما تنتهي إلا عند صلاة الفجر
يعني راح يقدم لهم فطور مو عشاء..
القضية هذي قصة من الخيال يا عزيزي..
اي سوق الي فاتح ذاك الوقت؟
وما صار له ربع ساعة بعد إلا ورجع
هذا ساكن فوق السوق ما شاء الله عليه..
حتى لو نقول الأغراض جاهزين ما عليه إلا حسابهم يبيله وقت..
بالنسبة لي لم يرن جوالي من خرجت من العين العصر .
على ما أذكر ولو الناس عندنا تقدر حالة العريس ما هم همج..
مع العلم أني كنت ابيه يرن عشان أطلع أشرب زغارة "سيجارة"..
موفقين بإذن الله ... لك مني أجمل تحية .